YADDA AKE BUDE EMAIL

By -

((YADDA AKE BUDE EMAIL))

Jama’a Assalamu Alaikum da fatan kuna cikin koshin lafiya acikin shirin mu na wannan lokaci shiri na bakwai (7) zanyi bayani akan yadda ake bude email, sai ku biyo mu,


Email: wanda ake kira a turance da Electronic Mail: tamkar wani adreshi ne naka na yanar gizo-gizo ko wani gida naka da idan ana neman ka nan za’aje, idan za’a baka sako nan za’a tura maka, sannan kai ma idan zaka turawa wani sako to sai ka shiga naka email din ka tura sakon,

Sai dai email din nan akwai kala daban-daban ba wai guda daya bane,

EMAIL DINA BIYU NE INA DA EMAIL KUMA INA DA GMAIL:- 

wannan magana ce da dayawa mutane keyi wadda kuma kuskure ne, misali idan aka ce waya an san akwai waya iri-iri kamfani daban-daban amman duka sunan su waya, haka idan aka ce Mota kowa ya san mota kala-kala ce ba kala daya kawai ba, to idan akace email shima sunan su ne amman idan kace kana da email to kana bukatar yin bayanin shin wane iri ne email din? Gmail ne ko Hotmail, Yahoo da sauran su, ba wai email din shima wani email ne mai zaman kansa ba a’a kawai suna ne, sannan akwai samfirin email kala-kala sunfi shurin masaki,
1. YADDA ZAKA BUDE EMAIL NA GMAIL:- 

da farko ya kamata kasan wani abu game da gmail shi email ne na shahararren kamfanin nan na “matambayi baya bata” (google) kuma idan ka mallake shi to ka mallaki account a wurare kamar haka: Youtube, Google, da Google Plus, da sauran tarin bangarori da google suke dashi, sannan idan kana da android dole zata bukaci ka sanya mata gmail account, wannan kadan kenan,

1. Idan ka tashi bude email na gmail zaka je www.gmail.com ko www.google.com sai ka shiga “signin” a kasa kuma zaka ga “create account” sai ka shiga,

2. Daga nan zai budo maka wajen saka suna guda biyu daya sunan ka dayan kuma na mahaifi

3. Sai kuma wajen saka yadda kake so email din ya kasance misali: hussainauwalu01@gmail.com nake so ya kasance ina saka hussainauwalu01 zai yi min searching idan wani ya riga ya dauki wani sunan zai fada maka sai ka canja, sannan zai baka zabi na wasu misali zai iya ce maka hussainauwalu200 ko 150 da makamanta su yace ka zaba to zaka iya zaba idan kuma akwai wata lamba da kake son sakawa kamar 2017 ko karshen lambar wayarka ko shekarar haihuwarka kawai sai ka saka,

4. Daga nan sai wajen saka “password” shima guri biyu ne saboda idan ka saka a a farko za kuma ka tabbatar dashi a na biyun, shi kuma akalla kada ya gaza harufa shida (6) sannan ka saka kalma da kuma lambobi

5. Daga nan sai ka cike ranar haihuwar ka da wata da kuma shekara,

6. Sai kuma shin kai namiji ne ko mace (jinsi)

7. Sannan sai ka saka lambar wayarka amman wajen idan kaga ba tutar kasarka bace sai ka shiga ka nemo kasar ka ka danna sai ka saka lambar amman ka cire “0” din farko,

8. Daga sai saka “current email” shine idan kana da wani email din sai ka saka shi amman na gmail, idan baka dashi kafin ka fara bude email din ka samu wanda yake dashi ya baka nasa zai zamo kamar wanda ya tsaya maka idan gmail dinka ya samu matsala za’a iya amfani da account dinsa a gyara maka,

9. Daga nan sai ka danna wajen “I agree to the Google terms of Services and Privacy Policy”

10. Daga nan zai budo maka wajen da zai gaya maka zasu turo maka da sakon “code” ta lambarka sai ka zaba su turo maka sakon ko su kira ka a wayar su fada maka?

11. Sai ka danna “next” zasu kawo ka inda zaka saka “code” din sai ka saka,

12. Mene ne “code” din? Lambobi ne zasu turo maka,

13. Daga nan zaka danna alamar “next” shikenan zasu nuna maka suna tayaka murna da zuwa dandalin gmail,

14. Shi kenan account dinka ya bude.

2. YADDA ZAKA BUDE EMAIL NA YAHOO:-
shi ma kamar wancan na sama ne ga kuma link din da zaka bidon budewa 

https://www.yahoo.com

3. YADDA ZAKA BUDE EMAIL NA HOTMAIL:- shi ma kamar wancan na sama ne ga kuma link din da zaka bidon budewa 

https://www.hotmail.com

By: Sharfadi.com

Mungode.

Comments

Post a Comment

Popular posts from this blog

YADDA ZAKA HANA WAYARKA TA ANDROID BUDE DATA DA KANTA

By -
Image
Kamar yadda ka sani masu amfani da wayar android suna fama da irin wannan matsala na bude data da kanta batare da ka budeba,  irin wannan matsalar tana 6atawa mutane rai haka kawai ka rufe datar wayarka bayan wani dan lokaci kawai saika tarar ta bude kanta  idan ta bude kuma idan wayar da mb ko kudi nan take zakaga wasu apps din sun bude kansu suna amfani da mb ganin data ta budu sukuma apps sai suyi ta aiki.  sannan idan data tana bude wayar zakaji tana daukan zafi kokuma ta dingama wani shirme na banza,  to irin wannan matsalar Malware ne yake kawo irin wannan matsalar ita kuma malware, yawan janye janye wato download na kowane irin apps ko game suke suke kawato malware da kuma yawan Ture ture ta Xender sabo da wasu apps din suna zuwa da matsala to yawancinmu bama sanin hakan sai kawai da zarar munga apps masu kyau batare da wani dubawaba kawai saimu bukaci wannan apps din har a turo mana ko muyi download nasa,  sannan idan muka samu apps din bama lura da...
Read more

MANYAN APPS BIYAR (5) DA KE BATA MAKA WAYA

By -
Image
   Idan aka ce "APP" (APPLICATION) ko "APK" (Android Package Kit) shine abubuwan da wayar ANDROID take amfani da shi don saukake aiki da wayar wajen tafiya kai tsaye ga abinda kake so Ka sarrafa a wayarka, kuma ana sa shi a waya har ma ayi musanyansu daga waya zuwa waya. Duk wayar ANDROID tana bukatar APK ko APPs don tafiyar da wayar, domin su ne za su taimakawa mai wayar wajen jin dadin amfani da wayar.    Akwai APPs masu yawan gaske da mai ANDROID zai iya amfani da su kamar na GAME, MUSIC, SOCIAL MEDIA, BANKING, BROWSERS,  da dai sauransu masu yawa.    Amma kuma bayan wadannan APPs masu amfani Ga mai ANDROID akwai wadanda suke ba su da amfani sosai, sai dai ma cutar da wayar maimakon amfanarwa.    Wasu daga cikin wadannan APPs din suna cutar da waya kai tsaye, wasu kuma a hankali suke cutar da wayar ba tare da mai wayar ya sani ba, sai bayan ta samu matsala.    Ga wasu daga cikinsu guda biyar kamar yadda bincike ya nun...
Read more

[Yi Regista Yanzu] ABINDA KUKE NEMAN SANI GAME DA SHIRIN P-YES

By -
Image
ABINDA KUKE NEMAN SANI GAME DA SHIRIN P-YES   P-Yes ko Presidential Youth Empowerment Scheme shiri ne da ofishin Shugaban Kasa ya kirkiro karkashin Jagorancin Mai baiwa shugaban Kasa Shawara na Musamman akan Harkokokin Matasa da Dalibai.   ABIN BURGEWA GA SHIRIN Wani abin burgewa da Shirin shine yadda aka zabo kananan Sana'oi da al'umma ke bukata a ko wace rana, a ko wace unguwa, Ko wane Gari, Ko wane Kauye. Sana'oi ne da Matashi zai iya yi ko ina, a ko wane lokaci. Dare ko Rana, Sanyi ko Zafi, Rani ko Damina   Sana'oin Basu bukatar Kama shago. Kawai matashi na bukatar dan Inda zai raba ne, kamar gefen titi, ko runfar kasuwa, koma cikin gida don gudanar da sana'ar shi.   MENENE MANUFAR SHIRIN Manufar shirin P-Yes shine; 1) Samarwa Matasa ayyukan yi don dogaro da kawunansu 2) Rage Yawan aikata miyagun Laifuffuka da Shaye Shayen Kwayoyi tsakanin Matasa ta hanyar samar masu da ayyukan yi. 3) Rage fatara da talauci da zaman kashe wando tsakanin Matasa. 4) H...
Read more